ജംബുകൻ (നക്ഷത്രരാശി)
ഉത്തരാർദ്ധഖഗോളത്തിലെ ഒരു നക്ഷത്രരാശിയാണ് ജംബുകൻ (Vulpecula). ജായര, അയംഗിതി, ഗരുഡൻ രാശികളിലെ നക്ഷത്രങ്ങൾ ചേർന്ന് ആകാശത്ത് നിർമ്മിക്കുന്ന ഗ്രീഷ്മ ത്രികോണത്തിന്റെ നടുവിലാണ് ഇതിന്റെ സ്ഥാനം. ഇതിലെ നക്ഷത്രങ്ങളുടെ പ്രകാശമാനം വളരെ കുറവായതിനാൽ തിരിച്ചറിയാൻ വളരെ ബുദ്ധിമുട്ടായ ഒരു നക്ഷത്രരാശിയാണ് ഇത്. ആകാശഗംഗ ഈ നക്ഷത്രരാശിയിലൂടെ കടന്നുപോകുന്നു. ഈ പേര് ലതിൻ ആണ് അർഥം ചെറിയ കുറുകൻ
ജ്യോതിശാസ്ത്രവസ്തുക്കൾ
M27 എന്ന ഒരു മെസ്സിയർ വസ്തു ഈ നക്ഷത്രരാശിയിലുണ്ട്. ഡംബ്ബെൽ നീഹാരിക എന്നറിയപ്പെടുന്ന ഇത് ഏറ്റവുമാദ്യം കണ്ടുപിടിക്കപ്പെട്ട പ്ലാനറ്ററി നീഹാരികയാണ്. ചാൾസ് മെസ്സിയറാണ് 1764-ൽ ഇത് കണ്ടെത്തിയത്. 1967-ൽ ആന്റണി ഹ്യൂവിഷും ജോസലിൻ ബെല്ലും ചേർന്ന് കണ്ടെത്തിയ ആദ്യത്തെ പൾസാറായ PSR B1919+21 ഈ നക്ഷത്രരാശിയിലാണ്. കോട്ഹാങ്ങർ എന്നറിയപ്പെടുന്ന ഓപ്പൺ ക്ലസ്റ്ററായ ബ്രോക്കി താരവ്യൂഹവും ഈ നക്ഷത്രരാശിയിലാണ്.